Indian Dental Association Mizoram State Branch-in vawiin khan Thenzawl ah a thlawn a Ha entir theihna hun buatsaih.

Indian Dental Association Mizoram State Branch chuan Favang Fehchhuah neiin Thenzawl Joint YMA nen a tawngkawpin vawiin (Dt. 16 Oct, 2026) khan joint YMA Hall Thenzawl ah a mamawh apiang te tan a thlawn a ha entir theihna hun, 'Free Dental Clinic' hi an buatsaih a, Free Dental Clinic hi chawhma dar 10 atanga tan niin he hunah hian Mizoram hmun hrang hrang atangin Denist 60 chuang ten Ha lama harsatna nei te an endik a, ha phawi ngai leh hnawh ngai te chu a hmunah hian tihsak nghal vekin, damlo te hnenah dawmdawi leh Ha enklawna hmanrua te a thlawn in an sem nghal bawk.

Indian Dental Association Mizoram State Branch hian Community Dental Health Programme hnuaiah kum tinin mipui tan a luanchhuahna hun atan, a thlawna Ha entir theihna hun hi an hmang thin a, kum kalta khan Tlangsam khua Champhai District ah hetiang hun hi an lo hmang tawh a; Free Dental Clinic ah hian Ha entirna hun mai bakah Ha enkawl uluk chu mihring hriselna atan a pawimawh zia inzirtirna hun neih thin a ni bawk.

Vawiina a thlawna ha entirna theihna hun hi Thenzawl khaw mipuiten an hlut hle a, mi 500 chuang in inentir turin hming an ziaklut a ni.