CHIEF MINISTER HOVIN Mi- PRAGATI MEETING NEIH A NI.
Nimin (July ni 23. 2026 ningani) khan Chief Minister Pu Lalduhoma kaihhruaiin Mizoram Pro-Active Governance and Timely Implementation (Mi-PRAGATI) meeting hi neih a ni a. Hei hi an thutkhawm vawi lina a ni.
Aizawl Western Side By-Pass Road laih meka harsatna awm mek Dumping site chungchang te, zangnadawmna la tihfel lohte, Refugee-te awmna sawn chungchang te, Forest Clearance chungchangte an sawiho a. Meeting hmasa lama an lo sawi tawh vawiin thlenga an bawhzui tawh chinte an report a. Tih tur la awmte chu chak taka bawhzui zel ni se, an ti.
Vairengte - Sairang Section of NH 306 & 06 (Four lane) hmalak mek pawh an thlirho a. Meeting vawi thumna leh vawiin inkarah hna hi zaa pahnih (2%) a hmasawn hman a nih thu tarlan a ni.
Tun thlengin Package 3 chinah hna hi 19.25 % zawh tawh a ni a, package 4 ah 17.82 %, package 5 ah 14.90 %, package 6 ah 8.76 %, package 7 ah 13.67 % leh package 8 ah 14.12 % te thawh tawh (physical progress) a ni a. Hmun thenkhatah ram neitu nih inchuhna Court thubuai a awm a. Court thutlukna nghah mek a ni. Tuna kawng awmsa hi Short Term Maintenance Contract hmanga siam mek a ni a. Hnathawh turte hi an thawk zo tep tawh a ni.
Ekta Mall sak mek chu tluang taka kalpui a ni a. Overall physical progress hi 21 % a ni tawh tih tarlan a ni a. Tunah hian an hmanruate test-na tur Laboratory an bun fel tawh a, an hmanraw mamawh leh khawl mamawh zawng zawng an la khawm tawh nia report a ni.
Neihloh khaw sawn chungchangah tunah hian chhungkaw eng emawzatin an in thar tur sak hna an tan tawh a. Vantlang hmunhma pawimawh din hna pawh thawh tan thuai theih beisei a ni. A panna kawng fomation cutting hi 90.93 % thawh zawh tawh a ni.
Khamrang - Selesih kawng laih meka harsatna awmte an sawi bawk a. Forest Clearance chungchang te, PIL lut chungchang te leh zangnadawmna lama harsatna awmte sawi a ni a. A thawhna sum NABARD RIDF hi a tawp tawh avangin he kawng hi thawk zui zel tur chuan state sorkar sum hman a ngai tawh dawn a ni.
Sihhmui kawngpui atanga Rel Station panna kawng tihzauh hna leh Suaka Cricket Stadium panna kawng siam chungchang an sawi a. A rang lama bawhzui ni se, a ti.
Meeting-ah hian Pu K. Sapdanga, Home Minister, Pu Vanlalhlana, PWD Minister, Pu Lalthansanga, EF & CC Minister, Pu Lalnghinglova Hmar, SYS Minister bakah Pu Khilli Ram Meena, Chief Secretary, Pu Sudhir Kumar, Principal Secretary, GAD leh official pawimawhte an tel a, Deputy Commissioner te leh official pawimawh dangten online-in an zawm bawk a ni.