Horticulture Minister-in FAO thlanchhuah hmeichhe farmer hlawhtling ZT Lalrithangi chawimawi dawn

United Nations (UN) hnuaia Food and Agriculture Organisation (FAO) -in 100 Women Heroes in Agri Food Systems and Rural Development chawimawina a hlan ZT Lalrithangi, Sangau, Lawngtlai District chu October ni 18, 2026 hian Rome, Italy atangin Mizoram a lo thleng dawn a. Horticulture Department chuan Minister Pu C Lalsawivunga hoin a office chamber-ah lawmpuina programme an buatsaih dawn.

Horticulture Minister hoa ZT Lalrithangi lawmpuina programme hi October 19 ah neih a ni dawn a. Horticulture Director Pu CH Lalmuanpuia’n a kaihruai ang a. Lawmpuina thilpek hlan a ni ang.

ZT Lalrithangi hian kum 2024 atang khan strawberyy saplings 1000 nen bul tanin tunah chuan hectare 2.5 a zauah 10,000 chuang zet a phun tawh a ni.

FAO in khawvel ram 131-a hmeichhe farmer hlawhtling a thlanchhuah zingah hian India ram atangin ZT Lalrithangi tiamin hmeichhe pahnih an tel a ni.