MJA Serchhip District in DIPRO hovin an din champha phak vawi 26-na lawm.

Mizoram Journalist Association Serchhip District chuan nimin (Oct ni 13 2026) khan an din champha phak vawi 26-na lawmna hun Serchhip Zawlpui Leilet ah an hmang a, Pu R. Vanneihtluanga, DIPRO Serchhip in he hun hi a hmanpui a ni.

MJA Serchhip District hian an din champha phak pual hian chawhma lamah Green Mizoram Day-a MJA leh DIPR thing phun, hmun thum amite samfai in, rawng an hnawih a, tlai lamah a lawmna hun hmangin he hun hi Pu Kapliana Pachuau, President MJA Serchhip District in a kaihruai a, Pu T. Biakchamliana, Secretary MJA Serchhip District in inhmelhriattirna hun a hmang bawk.

Pu R. Vanneihtluanga, DIPRO Serchhip chuan thu sawiin, Journalist te chuan an hlutzia inhria a, chapo silo a inngaihlu turin a fuih a; "MJA leh I&PR chu unau pianghmun ang kan ni a, thawk ho dial dial tur kan ni" a ti a. Thawhhona tha tak an neih theih nan thurawn dawng tur pawhin an inhawng reng a ni a ti.

MJA Serchhip District din champha phak lawmna ah hian member ni lai mek bakah member lo ni tawh te leh DIPRO Office a thawktute sawm an ni a, tlai lamah zanriah an kil ho a ni.

MJA Serchhip District hian kum kalta October ni 13 khan Golden Jubilee chu ropui takin an lo lawm tawh a, he hunah hian Chief Minister Pu Lalduhoma chu khuallian niin Home Minister Pu K. Sapdanga chu khual zahawm a ni.