Nuai 5019.43 senga Lawngtlai District Sports Complex sak mek chu Pu C.Hrangthianga'n a hmunah a enfiah

June 24, 2026 : Vawin khan LADC Sawrkar a Sports changtu Executive Member Pu C. Hrangthianga chuan Mampui a Lawngtlai District Sports Complex siam mek chu a hmunah a enfiah.

PMJVK Scheme sum cheng nuai 5019.43 senga siam Lawngtlai District Sports Complex. Mampui rama siam mek hi Decor Pvt. Ltd ten an thawk mek a. He Sports Complex ah hian Football Ground. Futsal Ground, Tennis Court, Volleyball Court leh Basketball Court te a awm dawn a, tun dinhmunah hna hi 95% zawh tawh ani.

Vawina Pu C. Hrangthiangan a tlawh hian hnathawktu te nen inkawmhona neiin, tun dinhmuna an hnathawh chu fakawm atih thu a sawi a. An hnathawh hmabak pawh thataka thawk zel turin a hrilh bawk. Ruahman ang chuan Lawngtlai District Sports Complex hi kumin November ah hawn hman tum ani.

Pu C. Hrangthianga hi LADC a Sports Officer Pu C. Lalhmunsiama leh Official mi pawimawh ten an tawiawm ani.