Ramchhung hmun dangte rualin Serchhip-ah pawh 'Green Mizoram 2026'puala hun hman niin, thing tiak thahnemtak phun a ni.
Serchhip, June, 6th 2026: Vawiin khan Serchhip ah Green Mizoram Day 2026 Ni hawnna inkhawm Serchhip DC Pisapui Hall a buatsaih chu Dr.R.Lalnungrenga, DFO Thenzawl Division chuan kaihruaiin,khuallian nia he hun hmanpuitu Green Mizoram District Level Committee Chairman leh Bawrhsap ni bawk Pu Paul.L.Khuma chuan Green Mizoram Day 2026 hawnna thu sawiin, Bible zirtirna atangin thilsiam te chunga mihringten thu kan neih dan leh enkawl tur kannih thute, thing hlut zia te,thingphun enkawl leh venhim kawnga mipuite mawhphurhna hrang hrang te, Global Warming in kan nitin nunphung a nghawng dan te bakah, Green Mizoram Ni kan hman chhan diktak hre thar leh turin mipui sawm a,puitling taka thingphun nun thatah te inel tur a chahin, Bawrhsap hian Kangmei venna kawnga titha te hnenah lawmman a sem nghal bawk.
Serchhip District chhunga Kangmei venna kawng a thawk tha ber khua chu: Leng khua niin(Leng khua hian State Level ah pawh lawmman pakhatna an la bawk) pahnihna- E.Lungdar leh pathumna -Chhingchhip Mualpui te anni a, Kangmei venna kawng a YMA Chanchinbu a titha te chu pakhatna- Serchhip Kawnpui 'N'Branch YMA, Pahnih na - Serchhip Hmar Veng Br YMA leh pathumna - Serchhip Chhim Veng Br YMA te anni.
He hunah hian Dr.C.Vanlalnghaka, Asst Professor, Department of Zoology, Govt Serchhip College in Mihring te leh nungcha te tana thing hlutzia leh pawimawhna na hrang hrang te power point presentation hmangin a tarlang ani.
Vawiin Serchhip a Green Mizoram Day 2026 pual programme buatsaihah hian Pu C.Lalhminghlua, Honorary Wildlife Warden leh Green Mizoram District Level Committee member ni bawk kaihruaina in Environment tha siam/nei tura intiamna(Pledge) sawi/chhan rual niin, he hunah Serchhip a Sawrkar pisa hrang hrang a thawktute, zirlai naupang te leh chanchinbu mite telin, Serchhip Sub Hqrs YMA Zaipawl leh mimal zaithiam te an zai bawk.
Vawiin Green Mizoram Day 2026 pual hian Serchhip a Sawrkar pisa hrang hrang thawktute leh MJA (SD) member ten vawiin nileng khan Serchhip Kikawn leh Keitum inkarah thing tiak engemawzat an phun bawk a ni.