SEPTEMBER 3, 2026 AH BHARAT SCOUTS & GUIDES, SERCHHIP DISTRICT IN CLEANLINESS DRIVE NEI DAWN.

Mizoram Bharat Scouts & Guides, Serchhip District Council Meeting chu nimin (July ni 23, 2026 ningani) khan District President Pu Paul L. Khuma hovin DC Meeting Hall-ah neih a ni a, meeting-ah hian District Executive Member ruat thar tur chungchang ngaihtuah niin District Chief Commissioner atan Pu JR Lalhruaitluanga, Distirct Education Officer chu ruat a ni a. District Secretary atan Pu CVL Hruaia ruat a ni bawk.

Heng bakah hian September 3, 2026 chhun dar 1:00-ah Serchhip Bazar-ah Cleanliness Drive buatsaih nise tia rel a ni bawk a, November 12, 2026 chhun dar 1:00-ah Scouts & Guides Jamboree, Serchhip Government Higher Secondary School, Serchhip kawt tualah neih tura ruahman a ni bawk.