Serchhip District bawrhsap Pu Paul L Khuma'n Thenzawl West Panchayat Bhawan a hawng.

Deputy Commissioner Pu Paul L Khuma chuan Thenzawl West VC ten ruahmanna awm sa piahlama anmahni an insenso dan chu fakin, entawntlak a tih thu a sawi a; Sorkar leh vantlang thila neitu nihna rilru put a pawimawhzia mi dangte zirtirtu ni thei se a duh thu a sawi bawk.

Thenzawl West Panchayat Bhawan hi Rashtriya Gram Swaraj Abhiyan (RGSA) pawi cheng nuai 20 senga sak niin, a sak dan tura duan sa piahlamah, VC chuan anmahni sum sêngin Air Conditioner pahnih, floor tile leh wall fan an dah tel bawk a ni.

Panchayat Bhawan hawnna nimina (Dt. 15 Oct, 2026) neih ah hian Dr. Malsawmtluanga Fanchun, Project Director, DRDO leh DLAO Serchhip pawhin thu sawiin Thenzawl West VC te Panchayat Bhawan sak chu Serchhip District mai bakah Mizoram huap pawha chhuanawm pawl a nih a rin thu a sawi a. Khawtlang mipui pawhin tangkai taka an hman ngei a beisei thu a sawi bawk a ni.