Serchhip District in SIR Enumeration Digitization 100% an zo fel

18th June 2026, Ningani : Vawiin chawhnu dar 2:30 khan Serchhip District Election Officer Pu Paul L.Khuma chuan DC Pisaah chanchinbu mite kawm in Special Intensive Revision (SIR) 2026 kalpui mekah Serchhip District chhunga Enumeration Form Digitization hnathawh chu tluang taka zawh fel a ni tih a tarlang a, June ni 28 thleng hun nei mahse June 17, 2026 zan khan 100% zawhfel a nih thu chanchinbu mite hmaah a sawi.

SIR neih zawh tak hi Serchhip District ah chuan May 30, 2026 atang khan BLO te chuan In tinah kalin, Enumeration Form sem hna an thawk tan a, Form lakkhawm, endik leh digitisation hnate chu June 17 khan an zo fel thei a ni. July ni 4, 2026 (Inrinni) khian Draft Roll tarchhuah tur a ni a. July ni 4 atanga August ni 4 thlengin Draft Roll a sawisel duh nei leh dilna hrang hrang thlen duh te tan hun hawn a ni anga, heng dilna te hi September ni 2, 2026 thlengin chinfelna hun hawn a ni ang. September ni 6, 2026 ah Final Roll tarchhuah a ni dawn a ni.

Serchhip District-ah hian Assembly Constituency pathum — 26-Serchhip (ST), 27-Tuikum (ST) leh 28-Hrangturzo (ST) te awmin Electors 55,389 an awm a, heng zingah hian mitthi tawh te, chhuizui theih tawh loh te, hmun danga pem hlen tawh te, hming chuang nawn bakah Enumeration Form-a inziaklut duh lo an vaiin mi 1184 an awm a ni.